ලිංගාශ්‍රිත රෝග

ලිංගාශ්‍රිත රෝග යනු සාමාන්‍යයෙන් යෝනි මාර්ගය, ගුද මාර්ගය සහ මුඛ මාර්ගයන්ගෙන් ලිංගික සංසර්ගයේ යෙදීම මඟින් එක් පුද්ගලයෙකුගෙන් තවත් පුද්ගලයෙකුට බෝවන ආසාදන වේ. සමාජය තුළ ලිංගාශ්‍රිත රෝග සුලභ වන අතර ආසාදිත බොහෝ දෙනෙකු රෝග ලක්‍ෂණ නොපෙන්වයි. මෙම රෝගයන්ට ප්‍රතිකාර නොගෙන සිටීමෙන් බරපතල සෞඛ්‍ය ගැටලු ඇති කරයි. වර්තමානයේ දී රෝග නිර්ණය සඳහා පරීක්ෂණයකට යොමුවීම ඉතා පහසු වන අතර බොහෝ ලිංගාශ්‍රිත රෝග වලට සාර්ථකව පහසුවෙන් ප්‍රතිකාර කළ හැකි වේ. ලිංගාශ්‍රිත රෝග නිර්ණය කිරීමේ පරීක්‍ෂණ සිදුකර ගැනීම ඉතාමත් පහසු මෙන්ම කඩිනමින් පරීක්ෂණ ප්‍රතිඵල ද ලබාගත හැක.