යෝනි මාර්ගය ආශ්‍රිත මාංශපේශීවල ඇතිවන හැකිලීම යනු කුමක්ද?

යෝනි මාර්ගය ආශ්‍රිත මාංශපේශීවල ඇතිවන හැකිලීම යනු ශ්‍රෝණි පත්ලේ මාංශ පේශි තද වීමකි. මෙය සිතාමතා සිදුවන තත්වයක් නොවන නමුත් මෙහි ප්‍රතිඵලයක් වශයෙන් යෝනි මාර්ගය විවෘත කිරීම වේදනාකාරී හෝ කළ නොහැකි තත්ත්වයට පත් විය හැක. මෙය ලිංගික සංසර්ගයට, වෛද්‍ය පරීක්ෂණවලට හෝ ටැම්පොන් (tampon) භාවිතයට බලපෑම් කළ හැකිය. එය ශාරීරික හෝ මානසික සාධකවලින් ඇතිවිය හැකි අතර ඵලදායී ප්‍රතිකාර සඳහා භෞත චිකිත්සාව, ක්‍රමානුකූල සංවේදීතාව අඩු කිරීම (desensitization) සහ උපදේශනය ආදිය ඇතුළත් වේ.

බලපාන සාධක:

• ශාරීරික සාධක: ආසාදන, තුවාල, හෝමෝන වෙනස්වීම්, ආර්තවහරණය (menopause), දරු ප්‍රසූතියේ සංකූලතා.

• මානසික සාධක: වේදනාවට ඇති බිය, කාංසාව, අතීත ලිංගික කම්පනය හෝ අපයෝජනය, ආතතිය, සම්බන්ධතා ගැටළු.

රෝග ලක්ෂණ:

• යෝනි මාර්ගය විවෘත කිරීමට උත්සාහ කිරීමේදී වේදනාව, දැවීම හෝ තද ගතිය ඇතිවීම.

• ටැම්පොන් ඇතුල් කිරීමේදී හෝ ශ්‍රෝණි පරීක්ෂණවලදී අපහසුව.

• යෝනි මාර්ගය ආශ්‍රිත ප්‍රදේශයේ මාංශ පේශි හැකිලීම.

විකල්ප ප්‍රතිකාර ක්‍රම

ප්‍රතිකාර සඳහා බොහෝ විට ශාරීරික හා මානසික යන ප්‍රවේශයන් දෙකම අවශ්‍ය වේ.

• මාංශ පේශි ලිහිල් කිරීමට සහ ශක්තිමත් කිරීමට ශ්‍රෝණි පත්ල සඳහා භෞත චිකිත්සාව.

• බිය සහ කාංසාව සඳහා සංජානන-චර්යා චිකිත්සාව (CBT) හෝ උපදේශනය.

• යෝනි ප්‍රසාරක (vaginal dilators) භාවිතයෙන් ක්‍රමානුකූලව සංවේදීතාව අඩු කිරීම.

• ඉක්මන් සුවය සඳහා වෘත්තීය සෞඛ්‍ය සේවා සපයන්නක් සමඟ විවෘත සන්නිවේදනය පවත්වා ගැනීම.

සහය ලබාගත යුත්තේ කවදාද?

යෝනි මාර්ගය විවෘත කිරීමේදී ඔබට අපහසුතාවයක් හෝ වේදනාවක් දැනේ නම් වෛද්‍යවරයෙකුගෙන් උපදෙස් ලබා ගැනීමෙන් නිවැරදි රෝග විනිශ්චය සහ අවශ්‍ය ප්‍රතිකාර සැලසුම් ලබා ගත හැකිය.

ඕනෑම ලිංගික සෞඛ්‍ය උපදේශන සඳහා ලබාදී ඇති දුරකථන අංක හරහා ශ්‍රී ලංකා පවුල් සංවිධාන සංගමයේ බ්ලූම් සේවාව (Bloom) 0779552979 අමතන්න.