ஆண்குறியில் ஏற்படுகின்ற புற்றுநோயானது ஆண்குறியின் திசுக்களில் இருந்து வீரியம் கொடிய / கேடு விளைவிக்கின்ற(புற்றுநோய்) செல்கள் உருவாகும் போது ஏற்படுகின்ற ஒரு அறிய நிலையாகும்.

 நீங்கள் ஐம்பது வயதுக்கு மேற்பட்டவராகவும், (சுன்னத்து செய்யாமல்)  செய்யப்படதவராகவுமிருந்தால், ஆண்குறி புற்றுநோய் ஏற்படுவதற்கான வாய்ப்புக்கள் அதிகமாக இருக்கும். உங்களுக்கு பிறப்புறுப்பு மருக்கள் மற்றும் மனித பாப்பிலோமா வைரஸ் (HPV அல்லது வார்ட் வைரஸ்) தொடர்பான மரபு ரீதியான வரலாறு இருந்தால், நீங்கள் அதிகளவான ஆபத்தான கட்டத்தில் உள்ளீர்கள்.  

ஆண்குறியில் மாற்றங்கள் காணப்பட்டால்  உங்கள் மருத்துவரிடம் கலந்துரையாடுங்கள். உங்களுக்கு ஆண்குறி புற்றுநோய் இருந்தால், உங்கள் துணையின் (பங்குதாரரின்) பிறப்புறுப்பு பகுதியில் HPVஇனால் ஏற்படும் புற்றுநோய்க்கான பிற வடிவங்களையும் பரிசோதனை செய்ய வேண்டும்- இதில் கர்ப்பப்பை வாய்,  வல்வர் மற்றும்  குத புற்றுநோய் ஆகியவை அடங்கும்.

புரோஸ்டேட் புற்றுநோய் என்றால் என்ன?

 புரோஸ்டேட் சுரப்பியில் உள்ள செல்கள் கட்டுப்பாட்டை மீறி வளரத் தொடங்கும் போது புரோஸ்டேட் புற்றுநோய் ஏற்படத் தொடங்குகிறது. புரோஸ்டேட் என்பது ஆண்களில் மட்டுமே காணப்படுகின்ற ஒருவகையான சுரப்பியாகும். இது விந்தணுவின் ஒரு பகுதியாக இருக்கும் அதேவேளை சில திரவங்களையும் உருவாக்குகிறது. 

புரோஸ்டேட் சிறுநீர்ப்பைக்கு கீழே ( சிறுநீர் சேமிக்கப்படும் வெற்று உறுப்பு) மற்றும் மலகுடலின் முன் (குடலின் கடைசி பகுதி) இல் அமைந்துள்ளது. புரோஸ்டேட்  சுரப்பிக்கு சற்று  பின்னால், விந்துக்கான திரவத்தின் பெரும்பகுதியை உருவாக்கும் செமினல் வெசிகல்ஸ் எனப்படும் சுரப்பிகள் காணப்படுகின்றன. ஆணுறுப்பு வழியாக உடலில் இருந்து சிறுநீர் மற்றும் விந்துவை வெளியேற்றும் குழாயான சிறுநீர்க்குழாய், புரோஸ்டேட் மையத்தின் வழியாக செல்கிறது.

​

55 வயதிற்குட்பட்டவர்களுக்கு புரோஸ்டேட் புற்றுநோய் அரிதாகவே ஏற்படுகிறது. புரோஸ்டேட் புற்றுநோயை உருவாக்கும் நபர்கள் பெரும்பாலும் 65 வயதுக்கு மேற்பட்டவர்கள். மிகவும் வயதானவர்களில், புரோஸ்டேட் புற்றுநோய் பெரும்பாலும் மிகவும் மெதுவாக வளரும் மற்றும் எந்த அறிகுறிகளையும் ஏற்படுத்திக்காட்டாது. 

நீங்கள் 45 வயதிற்கு மேற்பட்டவராக இருந்தால், புரோஸ்டேட்  புற்றுநோய் பரிசோதனையை  செய்ய வேண்டுமா என்பதை உங்கள் மருத்துவரிடம் கலந்துரையாடி கேட்டுக்கொள்வது நல்லது.

விதைப்பை  புற்றுநோய் என்றால் என்ன?

விதைப்பை புற்றுநோய் என்பது விரையின் திசுக்களில் புற்றுநோய் (வீரியம்) செல்கள் உருவாகும்போது ஏற்படும் ஒரு நோயாகும். இரண்டு விந்தணுக்களிலும் புற்றுநோய் செல்கள் உருவாகலாம், ஆனாலும் அவ்வாறு உருவாவது மிகவும் அரிது.

விதைப்பை புற்றுநோய் என்பது 15 முதல்  35 வயதுவரை உள்ளவர்களுக்கு ஏற்படும் மிகவும் பொதுவான புற்றுநோயாகும், ஆனால் இது எந்த வயதிலும் ஏற்படலாம்.

டெஸ்டிகுலர் புற்றுநோயை ஆரம்ப நிலையிலேயே கண்டறியப்பட்டு சிகிச்சை அளிக்கப்பட்டால் அதை குணப்படுத்த முடியும். இவ்வகை  புற்றுநோயானது குணப்படுத்தக்கூடியது.

அறிகுறிகள் எவை?

விரையின் ஏதேனும் கட்டி அல்லது உறுதியான பாகத்தை நீங்கள் கண்டால், அது கட்டியா என்பதை அறிய மருத்துவரை அணுக வேண்டும். டெஸ்டிகுலர் புற்றுநோயால் பாதிக்கப்பட்ட  சில அங்கள் முதலில் வலியையும் உணர்கின்றனர்.