අක්‍රමවත් ඔසප් වීමක් ලෙස සැලකෙන්නේ කුමක්ද?

ඔබේ ඔසප් චක්‍රය පිළිබඳව නිශ්චිතව කිව නොහැකි නම්, ඔසප් වීම මාස කිහිපයක් මඟ හැරේ නම් හෝ ඔසප් චක්‍රයේ කාලසීමාවන් විශාල වශයෙන් වෙනස් වේ නම්, එම තත්වය අක්‍රමවත් ඔසප් වීම ලෙස සැලකේ. සාමාන්‍ය ඔසප් චක්‍රයක් දින 21–35 දක්වා කාලයක් පවතී.

අක්‍රමවත් ඔසප් වීම් ඇති වීමට හේතු මොනවාද?

වඩාත් පොදු හේතු අතරට පහත තත්වයන් ඇතුළත් වේ:

• මානසික ආතතිය හෝ ජීවන රටාවේ හදිසි වෙනස්කම්

• හෝමෝන වෙනස්වීම් (තයිරොයිඩ් ගැටලු, වැඩිවිය පැමිණීම, ආර්තවහරණයට ආසන්න වීම)

• සිරුරේ බරෙහි ඇති වන හදිසි වෙනස්කම්

• අධික ලෙස ව්‍යායාම කිරීම

අක්‍රමවත් ඔසප් වීම් සරුබව (දරුඵල) සඳහා බලපෑම් කරනවාද?

ඇතැම් විට බලපෑම් කළ හැකිය. අක්‍රමවත් ඔසප් ක්‍රියාවලිය නිසා ඩිම්බ මෝචනය වන කාලය නිවැරදිව හඳුනාගැනීමට අපහසු විය හැකි අතර එය ගැබ් ගැනීමේ ක්‍රියාවලිය සඳහා බලපෑම් කළ හැකිය. කෙසේ වෙතත්, අක්‍රමවත් ඔසප් චක්‍රයක් ඇති බොහෝ දෙනෙකුට ගැබ් ගැනීමේ හැකියාව ඇත.

අක්‍රමවත් ඔසප් වීම අනතුරුදායකද?

සාමාන්‍යයෙන් මෙම තත්වය හානිකර නොවන නමුත් දිගින් දිගටම පවතින අක්‍රමවත් බව හෝමෝන අසමතුලිතතාවයක් හෝ අවධානය යොමු කළ යුතු වෙනත් සෞඛ්‍ය තත්වයන් පෙන්නුම් කළ හැකිය.

ඔබ වෛද්‍යවරයෙකු හමුවිය යුත්තේ කවදාද?

පහත අවස්ථාවන්හිදී සෞඛ්‍ය සේවා සපයන්නෙකු හමුවන්න:

• ඔබේ ඔසප් වීම මාස කිහිපයකට නතර වී ඇත්නම්

• ඔබට දැඩි වේදනාවක් හෝ ඉතා අධික රුධිර වහනයක් පවතී නම්

• අසාමාන්‍ය ලෙස රෝම වැවීම, සිරුරේ බර හදිසියේ වෙනස් වීම හෝ අධික තෙහෙට්ටුව වැනි අසාමාන්‍ය රෝග ලක්ෂණ ඔබ නිරීක්ෂණය කරන්නේ නම්

ඔබ මේ පිළිබඳව සැලකිලිමත් වන්නේ නම්, ශ්‍රී ලංකා පවුල් සෞඛ්‍ය සංවිධානය විසින් ක්‍රියාත්මක කරන Bloom by FPA ආයතනය වෙත හෝ දිවයින පුරා පිහිටි අපගේ ඕනෑම සේවා මධ්‍යස්ථානයකට පැමිණෙන්න. අමතන්න: 077 955 2979