ප්‍රශ්නය: රෝග ලක්ෂණ කිසිවක් නොමැතිව ලිංගිකව සම්ප්‍රේෂණය වන ආසාදන වැළඳීමට ඉඩකඩ පවතීද?

පිළිතුර: ඔව්. විශේෂයෙන්ම මුල් අවධියේදී කිසිදු බාහිර ලක්ෂණයක් නොපෙන්වා ශරීරය තුළ පැවතීමට ලිංගිකව සම්ප්‍රේෂණය වන බොහෝ ආසාදනවලට හැකියාව ඇත.

ප්‍රශ්නය: රෝග ලක්ෂණ නොපෙන්වන ලිංගිකව සම්ප්‍රේෂණය වන ආසාදන මොනවාද?

පිළිතුර: මේ සඳහා පොදු උදාහරණ කිහිපයක් පහත දැක්වේ:

• ක්ලැමීඩියා (Chlamydia)

• ගොනෝරියා (Gonorrhoea)

• එච්.අයි.වී (HIV - මුල් අවධිය)

• හියුමන් පැපිලෝමා වයිරසය (HPV)

ප්‍රශ්නය: රෝග ලක්ෂණ නොමැති වුවද, එම තත්ත්වය අනතුරුදායකද?

පිළිතුර: ඔව්. රෝග ලක්ෂණ නොමැති වුවත් ලිංගිකව සම්ප්‍රේෂණය වන ආසාදන සඳහා නිසි ප්‍රතිකාර නොගැනීම හේතුවෙන් පහත සඳහන් සංකූලතා ඇති විය හැකිය.

• මදසරුභාවය (දරුවන් නොමැති වීම)

• නිදන්ගත රෝග නිසා ඇතිවන වේදනාවන්

• ගර්භණී සමයේ ඇති වන සංකූලතා

• එච්.අයි.වී (HIV) සම්ප්‍රේෂණය වීමේ අවදානම ඉහළ යාම

ප්‍රශ්නය: එසේ නම්, ලිංගිකව සම්ප්‍රේෂණය වන ආසාදනයක් මට වැළඳී ඇත්දැයි දැන ගන්නේ කෙසේද?

පිළිතුර: ඒ සඳහා ඇති එකම විශ්වාසදායක ක්‍රමය වන්නේ සුදුසුකම් ලත් සෞඛ්‍ය මධ්‍යස්ථානයකින් ලිංගිකව සම්ප්‍රේෂණය වන ආසාදන පිළිබඳ වෛද්‍ය පරීක්ෂණයකට (STI testing) භාජනය වීම පමණි.

වෛද්‍ය පරීක්ෂණයක් සඳහා වේලාවක් වෙන්කරවා ගැනීමට අප අමතන්න: 077 955 2979

ප්‍රශ්නය: මා කොපමණ වාරයක් පරීක්ෂණවලට භාජනය විය යුතුද?

පිළිතුර: එය ඔබගේ ලිංගික ක්‍රියාකාරකම්වල ස්වභාවය මත රඳා පවතින අතර පහත අවස්ථාවලදී පරීක්ෂණ සිදු කරගැනීම ඉතා වැදගත් වේ.

• අනාරක්ෂිත ලිංගික එක්වීමකින් පසුව

• අලුත් සබඳතාවක් ආරම්භ කිරීමේදී

• ඔබට ලිංගික සබඳතා පවත්වන සහකරුවන් කිහිපදෙනෙකු සිටී නම් නිරන්තරයෙන් පරීක්ෂණය සිදුකරගැනීම වැදගත් වේ.

ප්‍රශ්නය: ලිංගිකව සම්ප්‍රේෂණය වන ආසාදනවලදී සැමවිටම රෝග ලක්ෂණ මතු නොවන්නේ ඇයි?

පිළිතුර: ඇතැම් ආසාදන ශරීරය තුළ වර්ධනය වන්නේ ඉතා සෙමිනි. එසේ නැතහොත් ඒවා මුලින්ම බලපාන්නේ අභ්‍යන්තර ඉන්ද්‍රියයන්වලටය . එබැවින් රෝගයේ වර්ධනීය අවධිය වන තුරු බාහිර රෝග ලක්ෂණ මතු නොවීමට ඉඩකඩ ඇත.

ප්‍රශ්නය: මතක තබා ගත යුතු වැදගත්ම කරුණ කුමක්ද?

පිළිතුර: "රෝග ලක්ෂණ නොමැති වීම යනු ආසාදනයක් නොමැති වීම නොවේ." ඒ පිළිබඳව ස්ථිරවම දැන ගැනීමටත්, ඔබගේ මෙන්ම ඔබගේ සහකරුගේ හෝ සහකාරියගේ සෞඛ්‍යය ආරක්ෂා කර ගැනීමටත් ඇති එකම මාර්ගය නිවැරදි වෛද්‍ය පරීක්ෂණයක් සිදු කිරීම පමණි.